विजेच्या वादातून तरुणावर कुऱ्हाडीने हल्ला

चंद्रपूर: चंद्रपूर कुऱ्हाडीने हल्ला : विजेच्या कारणावरून झालेल्या वादातून एका तरुणावर कुऱ्हाडीने वार करण्यात आला. ही घटना रामनगर पोलीस ठाण्याच्या हद्दीतील वीर सावरकर नगर येथे ४ ऑक्टोबर २०२६ रोजी दुपारी घडली. या हल्ल्यात ३१ वर्षीय समीर खान गंभीर जखमी झाला आहे. त्याच्यावर नागपूर येथील शासकीय रुग्णालयात उपचार सुरू आहेत. याप्रकरणी रामनगर पोलिसांनी आरोपीविरुद्ध गुन्हा दाखल केला आहे. पोलीस पुढील तपास करत आहेत. (शेअर मार्केटमध्ये गुंतवणुकीच्या नावावर लाखोंची फसवणूक, वाचा हि बातमी)

चंद्रपूर कुऱ्हाडीने हल्ला : विजेच्या वादातून वीर सावरकर नगरात घटना

पोलीस सूत्रांकडून मिळालेल्या माहितीनुसार, ४ ऑक्टोबर २०२६ रोजी दुपारच्या सुमारास वीर सावरकर नगर परिसरात ही घटना घडली. जखमी समीर खान हा मजुरीने इलेक्ट्रिशियनचे काम करतो. घटनेच्या दिवशी इलेक्ट्रिकलच्या (विजेच्या) कारणावरून समीरचा त्याच्याच गल्लीत राहणारा मनीष जुमनाके याच्या आईसोबत वाद झाला होता. या वादाचा राग मनात धरून मनीष जुमनाके याने रागाच्या भरात घरातील कुऱ्हाड आणून समीरच्या डोक्यावर जोरदार वार केला. या प्राणघातक हल्ल्यात समीरच्या डोक्याला गंभीर दुखापत होऊन तो रक्ताच्या थारोळ्यात कोसळला.

घटनेनंतर परिसरातील नागरिकांनी आणि नातेवाईकांनी तात्काळ धाव घेऊन जखमी समीरला चंद्रपूर येथील शासकीय रुग्णालयात उपचारासाठी दाखल केले. घटनेची माहिती मिळताच समीरची बहीण शबनम पठाण हिने रुग्णालयात धाव घेतली. डॉक्टरांनी समीरवर प्राथमिक उपचार केले, मात्र त्याची प्रकृती चिंताजनक असल्याने आणि डोक्याची दुखापत गंभीर असल्याने त्याला पुढील उपचारासाठी रुग्णवाहिकेने नागपूर येथील शासकीय रुग्णालयात हलवण्याचा (रेफर) निर्णय घेतला.

या घटनेप्रकरणी शबनम पठाण हिने रामनगर पोलीस ठाण्यात दिलेल्या तोंडी तक्रारीवरून पोलिसांनी आरोपी मनीष जुमनाके याच्याविरोधात भारतीय न्याय संहिता (BNS), २०२३ च्या कलम १०९(१) (जीवावर बेतणारा प्राणघातक हल्ला/अपघात घडवून आणण्याचा प्रयत्न) अन्वये गुन्हा क्रमांक ११५९/२०२६ नोंदवला आहे. या प्रकरणाचा पुढील तपास पोलीस निरीक्षक निलेश भीमराव वाघमारे यांच्या मार्गदर्शनाखाली पोलीस ठाणे रामनगर कडून केला जात आहे. दिवसाढवळ्या घडलेल्या या घटनेमुळे परिसरात काही काळ भीतीचे व तणावाचे वातावरण निर्माण झाले होते.