चंद्रपूर: chandrapur illegal sand transport वर स्थानिक गुन्हे शाखा (LCB) चंद्रपूरने मोठी कारवाई केली आहे. रामनगर पोलीस ठाण्याच्या हद्दीत १६ चक्का ट्रकसह तब्बल १२ ब्रास रेती असा एकूण ४० लाख ६० हजार रुपयांचा मुद्देमाल जप्त करण्यात आला. या धडक कारवाईमुळे जिल्ह्यातील रेती तस्करांचे धाबे चांगलेच दणाणले आहेत.
स्थानिक गुन्हे शाखेने दोघांना घटनास्थळावरून ताब्यात घेतले असून वाहनाचा मालक सध्या फरार आहे. या कारवाईमुळे अवैध गौण खनिज वाहतूक करणाऱ्यांमध्ये खळबळ उडाली आहे.
चंद्रपुरात अवैध रेती वाहतुकीवर LCB चा छापा
स्थानिक गुन्हे शाखा (एलसीबी) चंद्रपूरच्या पथकाने अवैध गौण खनिज वाहतुकीविरुद्ध मोठी कारवाई करत रामनगर पोलीस ठाण्याच्या हद्दीत १६ चक्का ट्रकसह तब्बल १२ ब्रास रेती असा एकूण ४० लाख ६० हजार रुपयांचा मुद्देमाल जप्त केला आहे. या धडक कारवाईमुळे जिल्ह्यातील रेती तस्करांचे धाबे दणाणले असून पोलिसांनी दोघांना ताब्यात घेतले आहे, तर वाहनाचा मालक अद्याप फरार आहे. (हे हि वाचा – चंद्रपूर हादरलं, पोटच्या मुलीवर बापाचा अत्याचार)
स्थानिक गुन्हे शाखेच्या राजुरा उपविभाग पथकाला रामनगर पोलीस ठाण्याच्या हद्दीतून विनापरवाना व चोरट्या मार्गाने मोठ्या प्रमाणावर रेतीची वाहतूक केली जात असल्याची खात्रीशीर गोपनीय माहिती मिळाली. माहिती मिळताच पथकाने सापळा रचून संशयित १६ चक्का वाहनाची तपासणी केली. तपासणीदरम्यान वाहनात कोणत्याही वैध परवान्याशिवाय १२ ब्रास रेती भरून वाहतूक केली जात असल्याचे उघड झाले. पोलिसांनी तात्काळ कारवाई करत ४० लाख रुपये किमतीचा महिंद्रा कंपनीचा १६ चक्का पल्ला गाडी (क्रमांक MH 40 CT 4133) आणि ६० हजार रुपये किमतीची १२ ब्रास रेती असा एकूण ४० लाख ६० हजार रुपयांचा मुद्देमाल हस्तगत केला.
या प्रकरणी चालक शरद पुंजराम शेंद्रे (वय ३९ वर्षे, रा. तादेगाव ठाकूर, ता. तिवसा, जि. अमरावती) आणि सिद्धार्थ विनायकराव गडलिंग (वय ३३ वर्षे, रा. परतोडा, ता. आर्वी, जि. वर्धा) यांना घटनास्थळावरून ताब्यात घेण्यात आले आहे. तर वाहनाचा मालक समरजीत दर्शनसिंग गरेवाल (रा. गुरुकुंज मोझरी, ता. तिवसा, जि. अमरावती) हा पसार असून पोलीस त्याचा शोध घेत आहेत. पकडण्यात आलेल्या आरोपींविरुद्ध रामनगर पोलीस ठाण्यात भारतीय न्याय संहिता (BNS) कलम ३०३(२) आणि महाराष्ट्र जमीन महसूल कायद्यांतर्गत गुन्हा दाखल करण्यात आला असून पुढील तपास पोलीस करत आहेत.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
