चंद्रपुरात चिमुरडीवर अत्याचार करणाऱ्या नराधमाला १० वर्षे सश्रम कारावास

चंद्रपूर: Chandrapur POCSO Court Verdict चंद्रपूर जिल्हा व सत्र न्यायालयाने एका खळबळजनक प्रकरणात महत्त्वाचा निकाल दिला आहे. अल्पवयीन बालिकेवर लैंगिक अत्याचार करणाऱ्या आरोपीला न्यायालयाने १० वर्षे सश्रम कारावासाची शिक्षा सुनावली.

यासोबतच आरोपीला ५ हजार रुपयांचा दंड ठोठावण्यात आला आहे. दंड न भरल्यास अतिरिक्त एक महिन्याचा साधा कारावास भोगावा लागेल. (हे हि वाचा – २१ गुन्हे दाखल असलेल्या ड्रग माफियांवर मकोका)

रामनगर पोलीस ठाण्याच्या हद्दीत ३ जून २०२२ रोजी ही संतापजनक घटना घडली होती. पोलिसांनी सादर केलेल्या पुराव्यांच्या आधारे न्यायालयाने हा निकाल दिला.

Chandrapur POCSO Court Verdict: जिल्हा व सत्र न्यायालयाचा ऐतिहासिक निकाल

खेळायला गेलेल्या निष्पाप अल्पवयीन बालिकेवर लैंगिक अत्याचार करणाऱ्या नराधमाविरुद्धचा गुन्हा सिद्ध झाल्याने चंद्रपूर जिल्हा व सत्र न्यायालयाने आरोपीला १० वर्षे सश्रम कारावास आणि ५ हजार रुपये दंडाची सक्त शिक्षा ठोठावली आहे. दंड न भरल्यास अतिरिक्त एक महिन्याचा साधा कारावास भोगावा लागणार असल्याचेही न्यायालयाने निकालात स्पष्ट केले. रामनगर पोलीस ठाण्याच्या हद्दीत घडलेल्या या संतापजनक घटनेत पोलिसांनी सादर केलेले भक्कम पुरावे, वैद्यकीय अहवाल आणि प्रत्यक्षदर्शी साक्षीदारांची साक्ष ग्राह्य मानत न्यायालयाने हा महत्त्वपूर्ण निकाल सुनावला आहे.

खेळायला गेलेल्या मुलीचा शोध घेताना उघडकीस आली होती घटना

सदर खळबळजनक घटना ३ जून २०२२ रोजी सायंकाळी सुमारे ४ वाजताच्या सुमारास घडली होती. घटनेच्या दिवशी फिर्यादी व त्यांची पत्नी नेहमीप्रमाणे कामावरून घरी परतले असता त्यांना त्यांची लहान मुलगी घरात दिसून आली नाही. मुलगी अंगणात अथवा बाहेर खेळायला गेली असावी असा अंदाज बांधून त्यांनी परिसरात तिचा शोध सुरू केला. शोध घेत असताना आरोपीच्या घराच्या दिशेने लहान मुलीचा रडण्याचा किंवा ओरडण्याचा आवाज आल्याचा संशय पालकांना आला. संशय बळावल्याने पालकांनी तात्काळ आरोपीच्या घरात धाव घेतली असता, आरोपी अल्पवयीन बालिकेला घरातील पलंगावर झोपवून तिच्यावर बळजबरीने लैंगिक कृत्य करताना रंगेहात दिसून आला.

मुलीच्या वडिलांनी आरडाओरड करत तातडीने मुलीला नराधमाच्या तावडीतून सोडवले आणि थेट रामनगर पोलीस ठाणे गाठून तक्रार नोंदवली. तक्रार आणि वैद्यकीय तपासणी अहवालाच्या आधारे रामनगर पोलिसांनी तत्परतेने गुन्हा रजिस्टर क्रमांक ६११/२०२२ अन्वये भादंवि कलम ३७६ (एबी), ५०६ सह बालकांचे लैंगिक अपराधांपासून संरक्षण कायदा २०१२ (पोक्सो) च्या कलम ४ व ६ अंतर्गत गुन्हा दाखल करत आरोपीला तात्काळ अटक केली. गुन्ह्याचे गांभीर्य ओळखून तपासी अधिकारी महिला पोलीस उपनिरीक्षक प्राची राजुरकर यांनी कसून तपास करत प्रत्यक्षदर्शी साक्षीदार, परिस्थितीजन्य पुरावे व अचूक वैद्यकीय अहवाल गोळा करून न्यायालयात वेळेत दोषारोपपत्र दाखल केले.

सदर खटल्याची अंतिम सुनावणी चंद्रपूर जिल्हा व सत्र न्यायालयाचे न्यायाधीश पी. एम. गुप्ता यांच्या न्यायालयात पार पडली. सुनावणीदरम्यान सरकारी पक्षातर्फे सरकारी अभियोक्ता एस. आर. डेगावार यांनी प्रभावी युक्तिवाद केला. सरकार पक्षातर्फे सादर करण्यात आलेले वैज्ञानिक व परिस्थितीजन्य पुरावे न्यायालयाने ग्राह्य धरून आरोपीला दोषी ठरवले आणि त्याला कलम ३७६ (एबी) भादंवि सह बालकांचे लैंगिक अत्याचारापासून संरक्षण कायदा (पोक्सो) अन्वये १० वर्षे सश्रम कारावास तसेच ५ हजार रुपयांचा दंड सुनावला.

खटल्यात कोर्ट पैरवी अधिकारी म्हणून रामनगर पोलीस ठाण्याचे पोलीस उपनिरीक्षक शामराव पोईनकरे आणि चंद्रपूर जिल्हा दोषसिद्धी कक्षाने महत्त्वाची भूमिका बजावली. ही यशस्वी कामगिरी चंद्रपूरचे पोलीस अधीक्षक आयुष नोपानी, अपर पोलीस अधीक्षक ईश्वर कातकडे व उपविभागीय पोलीस अधिकारी चंद्रपूर यांच्या मार्गदर्शनाखाली पूर्ण करण्यात आली. या कडक निकालामुळे बालकांवर वाईट नजर ठेवणाऱ्या गुन्हेगारांमध्ये कायद्याचा व पोलिसांचा दरारा निर्माण झाला आहे.