चंद्रपूर: Code of Conduct Lifted या महत्त्वपूर्ण निर्णयामुळे चंद्रपूर-वर्धा-गडचिरोली स्थानिक स्वराज्य संस्था मतदारसंघातील विकासकामांचा मार्ग मोकळा झाला आहे. विधान परिषद निवडणूक बिनविरोध झाल्यानंतरही लागू असलेली आचारसंहिता तात्काळ हटवावी, अशी मागणी खासदार प्रतिभा धानोरकर यांनी निवडणूक आयोगाकडे केली होती. त्यांच्या पाठपुराव्याची दखल घेत आयोगाने आचारसंहिता रद्द करण्याचे आदेश दिले. त्यामुळे पावसाळ्यापूर्वीची अनेक रखडलेली विकासकामे, पूर नियंत्रण योजना आणि प्रशासकीय निर्णयांना आता गती मिळणार आहे. (चंद्रपुरात जीवघेणा खड्डा, नागरिकांनी मनपाला दिला अल्टिमेटम)
Code of Conduct Lifted निर्णयामागील संपूर्ण घडामोडी
या विधान परिषद मतदारसंघाची निवडणूक जाहीर झाली होती आणि त्या अनुषंगाने संबंधित तीनही जिल्ह्यांत आचारसंहिता लागू करण्यात आली होती. मात्र, ही निवडणूक पूर्णपणे अविरोध झाल्यामुळे या ठिकाणी प्रत्यक्ष मतदान किंवा इतर कोणतीही निवडणूक प्रक्रिया पार पडणार नाही हे स्पष्ट झाले होते. निवडणूक अविरोध होऊनही आचारसंहिता कायम असल्याने मतदारसंघातील अनेक महत्त्वपूर्ण विकासकामे, प्रशासकीय निर्णय आणि जनकल्याणाच्या योजना थांबलेल्या होत्या.
सध्या पावसाळा अगदी तोंडावर असून पूर नियंत्रण, रस्ते दुरुस्ती, शेतीविषयक कामे आणि इतर स्थानिक जनतेशी संबंधित अत्यावश्यक विकासकामांना गती देणे अत्यंत गरजेचे आहे, ही बाब खासदार प्रतिभा धानोरकर यांनी निवडणूक आयोगाच्या निदर्शनास आणून दिली. निवडणूकच निर्विरोध झाल्याने आचारसंहिता पुढे चालू ठेवल्यास केवळ विकासकामांना नाहक विलंब होईल आणि सर्वसामान्य जनतेला मोठ्या अडचणींचा सामना करावा लागेल, अशी भीती व्यक्त करत खासदार धानोरकर यांनी महाराष्ट्र राज्याचे मुख्य निवडणूक अधिकारी यांच्याकडे पत्राद्वारे आचारसंहिता तात्काळ रद्द करण्याची आग्रही मागणी केली होती.
खासदार प्रतिभा धानोरकर यांच्या या पत्राची आणि जनहिताच्या मागणीची दखल निवडणूक आयोगाला अखेर घ्यावीच लागली. सायंकाळी निवडणूक आयोगाने यावर सकारात्मक पाऊल उचलत ज्या ठिकाणी निवडणूक निर्विरोध झाली, त्या क्षेत्रातील आचारसंहिता तात्काळ रद्द करण्याचे निर्देश प्रशासनाला दिले. खासदार धानोरकर यांच्या तत्परतेमुळे आणि पाठपुराव्यामुळे ही आचारसंहिता हटवण्यात यश आले असून, आता रखडलेल्या सर्व विकासकामांचा मार्ग मोकळा झाला आहे. निवडणूक आयोगाच्या या निर्णयामुळे चंद्रपूर लोकसभा क्षेत्रातील जनतेने आणि प्रशासनाने सुटकेचा श्वास सोडला आहे.