Yuvasena Chandrapur News : चंद्रपूर : युवासेनेच्या संघटनात्मक बांधणीस चालना देण्यासाठी लालपेठ विभागात महत्त्वाची नियुक्ती जाहीर करण्यात आली आहे. Aditya Thackeray यांच्या आदेशानुसार तसेच Varun Sardesai, Harshal Kakde, Sandeep Riyal Patel यांच्या सूचनेनुसार आणि जिल्हाप्रमुख विक्रांत सहारे यांच्या नेतृत्वाखाली वमसी कंदगला यांची युवासेना उपशहर अधिकारी, लालपेठ विभाग पदी नियुक्ती करण्यात आली आहे. (हजारो नागरिकांना मुनगंटीवार यांचा दिलासा)
या नियुक्तीमुळे लालपेठ विभागात युवासेनेची संघटनात्मक ताकद अधिक बळकट होईल, असा विश्वास पदाधिकाऱ्यांनी व्यक्त केला आहे. पक्षवाढ, पक्षसंघटन मजबूत करणे तसेच युवाशक्ती एकत्रित करून पक्षाचा प्रचार आणि प्रसार जोमाने राबविण्याची जबाबदारी नव्याने नियुक्त उपशहर अधिकाऱ्यावर सोपविण्यात आली आहे.
युवासेना पदाधिकाऱ्यांच्या मते, स्थानिक पातळीवर तरुणांना संघटित करून विविध सामाजिक उपक्रम, जनजागृती मोहिमा आणि पक्षाच्या धोरणांची माहिती घराघरात पोहोचविणे हे प्रमुख उद्दिष्ट राहणार आहे. येत्या काळात सदस्य नोंदणी अभियान, युवक मेळावे आणि सामाजिक बांधिलकी जपणारे कार्यक्रम आयोजित करण्याचे नियोजन करण्यात येत आहे.
जिल्हाप्रमुख विक्रांत सहारे यांनी वमसी कंदगला यांच्यावर पूर्ण विश्वास व्यक्त करत, “लालपेठ विभागात युवासेनेची ताकद वाढवून नव्या जोमाने काम करण्याची अपेक्षा आहे,” असे सांगितले. वरिष्ठ नेतृत्वाच्या मार्गदर्शनाखाली पक्षाची भूमिका आणि धोरणे युवकांपर्यंत प्रभावीपणे पोहोचविण्याचे आवाहनही यावेळी करण्यात आले. Vikrant Sahare Yuvasena
या नियुक्तीची घोषणा होताच स्थानिक कार्यकर्त्यांमध्ये उत्साहाचे वातावरण निर्माण झाले आहे. अनेकांनी वमसी कंदगला यांचे अभिनंदन करत पक्षकार्य अधिक जोमाने करण्याचा संकल्प व्यक्त केला.
Leave a Comment