कुटुंब बाहेर जाताच घरातून सोने गायब

राजुरा : Rajura Sasti Theft Case मध्ये राजुरा तालुक्यातील सास्ती येथे घरमालक कुटुंबासह घराबाहेर गेले असता अज्ञात चोरट्याने घराचे दार उघडून आलमारीतील सोन्याचे दागिने लंपास केले. घरमालक परत आल्यावर मुख्य दार उघडे दिसले आणि बेडरूममधील लॉकर उघडा आढळला. सुमारे २० ग्रॅम वजनाचे, ७० हजार रुपये किमतीचे झुमके, अंगठी, साखळी व इतर दागिने चोरीला गेले. राजुरा पोलिसांनी अज्ञात आरोपीविरुद्ध गुन्हा दाखल केला असून तपास सुरू आहे. (चंद्रपूर माजी नगरसेवकविरोधात विनयभंगाचा गुन्हा दाखल, वाचा नेमका वाद काय?)

सास्तीत घर रिकामे असताना घडली Rajura Sasti Theft Case

मिळालेल्या माहितीनुसार, २५ सप्टेंबर २०२६ रोजी दुपारी १ वाजेच्या सुमारास तक्रारदार व्यक्ती आपल्या मुलासह नमाज पठणासाठी जामा मशीद राजुरा येथे गेले होते. घराचे समोरील दार ओढून ते मशिदीत गेले असता, दुपारी १ ते २ वाजेच्या सुमारास ही घटना घडली. नमाज पठण आटोपून दुपारी २ वाजताच्या सुमारास ते घराकडे परत आले असता त्यांना घराचे मुख्य दार उघडे दिसले. त्यांनी तातडीने आत जाऊन पाहिले असता बेडरूममधील लोखंडी आलमारीचे दोन्ही दरवाजे आणि लॉकर उघडे असल्याचे दिसून आले. लॉकरमध्ये ठेवलेली दागिन्यांची डब्बी खाली पडली होती.

त्यांनी तात्काळ आपल्या पत्नीला बोलावून दागिन्यांची पाहणी केली असता, लॉकरमध्ये ठेवलेले स्वतःचे व नातेवाईकांचे वापरते सोन्याचे दागिने गायब असल्याचे स्पष्ट झाले. यात ७ ग्रॅम वजनाचे दोन जोड सोन्याचे झुमके (किंमत ₹२०,०००), २ ग्रॅम वजनाचे कानातील रिंग (किंमत ₹१०,०००), ३ ग्रॅम वजनाची सोन्याची अंगठी (किंमत ₹१०,०००), ५ ग्रॅम वजनाची ‘786’ लॉकेट असलेली सोन्याची साखळी (किंमत ₹१५,०००), २ ग्रॅम वजनाचे कानातील झुमके (किंमत ₹१०,०००) आणि १ ग्रॅम वजनाची नथणी व बेसर (किंमत ₹५,०००) असा एकूण २० ग्रॅम वजनाचा ७० हजार रुपयांचा मुद्देमाल चोरीला गेल्याचे निष्पन्न झाले.

घरात कोणी नसताना संधी साधून अज्ञात चोरट्याने आत प्रवेश करून ही चोरी केली. घरमालकाच्या तक्रारीवरून राजुरा पोलिसांनी अज्ञात आरोपीविरुद्ध भारतीय न्याय संहिता (BNS), २०२३ च्या कलम ३०५ अन्वये गुन्हा नोंदवला आहे. पोलीस निरीक्षक नितीनकुमार चिंचोलकर यांच्या मार्गदर्शनाखाली पोलीस उपनिरीक्षक लक्ष्मण लोकडे या प्रकरणाचा पुढील तपास करत आहेत.