News34
चंद्रपूर – जिल्ह्यातील शासकीय महाविद्यालय रुग्णालयात कार्यरत असलेल्या परिचारिकेचा कर्तव्य बजावत असताना झालेल्या मृत्यूने शासकीय रुग्णालयातील भोंगळ कारभार चव्हाट्यावर आला आहे. अतिशय महत्वपूर्ण असणाऱ्या आरोग्य व्यवस्थेत डॉक्टर उपलब्ध नसल्याने व उपचाराअभावी मृत्यू झाल्याने महाराष्ट्र नवनिर्माण सेनेने रोष व्यक्त करीत, सदर प्रकरणाची चौकशी सुरु असलेल्या समितीच्या बैठीकित प्रवेश करीत उपस्थित समितीला पदावर बसण्याचा नैतिक अधिकार नसून पदाचे राजीनामे देण्याची मागणी यावेळी केली. व बाहेरील स्वतंत्र उच्चस्तरीय समिती गठीत करून चौकशी करण्याची मागणी यावेळी मनसे जिल्हाध्यक्ष राहुल बालमवार यांनी केली.
या घटनेमुळे सामान्य नागरिकांनि या सरकारवर व व्यवस्थेवर विश्वास ठेवावा तरी कसा, असा प्रश्न आता सामान्याना पडला आहे. या मृत्यूस सर्वस्वी जवाबदार डॉक्टर आहेत असा आरोप तेथील सर्व परिचरिकेंनी करत काम बंद आंदोलन केले. यावरून तेथे काम करणाऱ्यांकडे डॉक्टर दुर्लक्ष करत आहेत तर सामान्य नागरिकांचा उपचार वाऱ्यावर असल्याचे सिद्ध होते.
यावेळी मनसे तर्फे वर्षभरा आधी दिलेल्या निवेदनात औषध बाहेरून विकत घ्यावे लागते, घाणीचे साम्राज्य, रुग्णालयात सोनोग्राफी सारख्या अतिशय महत्वाच्या ठिकाणी डॉक्टर उपलब्ध राहत नाही त्यामुळे रुग्णांना एक दोन महिन्याची सोनोग्राफीची तारीख देण्यात येते यावर तक्रार केली होती परंतु तेही परिस्थिती जैसे थे असल्याचे यावेळी चौकशी समितीच्या निदर्शनात आणून देण्यात आले. तसेच सीआर्म ऑर्थो मशीन बंद आहे, येथील कार्यरत डॉक्टर्स स्वतः रुग्णालयात उपस्थित न राहता मेडिकल इंटर्न कडून रुग्णांची तपासणी करत असल्याने एखादी अनुचित घटना घडू शकते ह्या सर्व विषयांना घेऊन मनसे तर्फे प्रभारी अधिष्ठाता डॉ. उईके यांना घेराव करीत वरील प्रश्न उपस्थित करण्यात आले.
सदर बैठकीत यंत्रणा पुरविण्यात सरकारचा हलगर्जी पणा, डॉक्टर, परिचारिकाचा अभाव व त्यांची रखडलेली भरती यामुळे हे सर्व प्रकार घडत असल्याचा समितीचा एकंदरीत सुर असल्याने शासनाची आरोग्य विभागा बद्दलची उदासीनता या साठी कारणीभूत असल्याचे चित्र स्पष्ट होते, औषधांचा पुरवठा शासनाकडून होत नाही ही शरमेची बाब आहे असा आरोप यावेळी मनसे जिल्हाध्यक्ष राहुल बालमवार यांनी केला.
यावेळी विधी विभागाच्या जिल्हाध्यक्ष मंजुषा लेडांगे, वाहतूक सेना जिल्हाध्यक्ष महेश वासालवार, शेतकरी सेना जिल्हाध्यक्ष आनंद बावणे, जिल्हासचिव किशोर मडगुलवार तालुकाअध्यक्ष प्रकाश नागरकर, ग्रामपंचायत सदस्य विवेक धोटे, शहरसंघटक मनोज तांबेकर, मनविसे शहर उपाध्यक्ष सुयोग धणवलकर, राकेश पराडकर, मयूर मदणकर, तुषार येरमे, कार्तिक खंगार, बाळु शेवते व महाराष्ट्र सैनिक उपस्थित होते.
