Monday, June 17, 2024
Homeचंद्रपूर शहर100 रुपयात महिनाभर चालवा सायकल

100 रुपयात महिनाभर चालवा सायकल

चंद्रपूर मनपाने सुरू केला नवा उपक्रम

- Advertisement -
- Advertisement -

News34 chandrapur

चंद्रपूर  – राष्ट्रीय शुद्ध हवा कार्यक्रमांतर्गत चंद्रपूर शहरात इंधनविरहित पर्यावरणपूरक वाहतूक व्यवस्थेला प्रोत्साहन देण्याच्या उद्देशाने चंद्रपूर महानगरपालिकेने महत्वाचे पाउल उचलले आहे. शहरात सायकल चालविण्यास प्रोत्साहन मिळावे व नागरिकांनी जास्तीत जास्त सायकलचा वापर करावा, यासाठी शहरात राजीव गांधी उद्यान येथे ‘ शेअरिंग बायसिकल ‘ (सार्वजनिक सायकल सुविधा) हा उपक्रम राबविण्यात येत असून, या उपक्रमाचा शुभारंभ गुरुवार ७ सप्टेंबर रोजी आयुक्त विपीन पालीवाल यांच्या हस्ते करण्यात आला.  Chandrapur municipality news

100 रुपयात सायकल चालवा

या उपक्रमाअंतर्गत २० सायकल उपलब्ध करून देण्यात आल्या असुन राजीव गांधी उद्यान पठाणपुरा येथे नोंदणी व मासिक शुल्क भरून नागरिकांना भाडेतत्त्वावर सायकलींचा वापर करता येणार आहे. यासाठी अगदी नाममात्र शुल्क आकारण्यात येणार असुन केवळ १०० रुपयात महिनाभर सायकल चालविता येणार आहे.

सायकल प्रेम जागविण्याचा नवा मार्ग

आज शहरात वाहनांची गर्दी होत असतांना अनेक गरजुंना वाहतुकीची साधने उपलब्ध नाहीत किंबहुना ते घेऊ शकत नाही. अश्यावेळेस इतर सार्वजनिक वाहतुकींच्या साधनांचा वापर करण्याऐवजी सायकल हा कुठल्याही प्रकारचे वायु प्रदूषण न करणारा सोपा पर्याय आहे. तसेच माफक शुल्कात उपलब्ध असल्याने सहज वापरण्याजोगा आहे.बाईक प्रेमी तरुणाईत सायकलप्रेम जागविण्याचा दृष्टीने मनपातर्फे सायकल शेअरिंग प्रायोगिक तत्वावर सुरु करण्यात आले आहे.

 

पैश्याची होणार बचत

शहरात मोठ्या प्रमाणात कामगार, महिला, महाविद्यालयीन विद्यार्थी येत असतात. रिक्षा किंवा इतर साधनांसाठी मोजाव्या लागणाऱ्या पैशांपेक्षा हा उपक्रम अधिक किफायतशीर ठरणार असल्याने अधिकाधिक नागरिकांनी या उपक्रमाचा लाभ घेण्याचे आवाहन चंद्रपूर महानगरपालिकेतर्फे करण्यात येत आहे.

 

याप्रसंगी माजी नगरसेवक नंदू नागरकर,अश्विनी अलगमवार,नीता आढोणे,वैशाली आढोणे,अनुराधा काळमेघ,वर्षा सोनटक्के रेखा रामटेके,रोहिणी काळमेघ,वर्षा खनके,पवन पुथोडे,प्रगती गुळकरी,पुष्पा नागरकर,प्रकाश चहारे,अनिता दुरटकर,रवींद्र नेरकर, अंजली साठोणे,प्राप्ती दहीवडे,माधुरी मेश्राम व परिसरातील नागरीक मोठ्या प्रमाणात उपस्थीत होते.

RELATED ARTICLES

Recent News

Most Popular

error: Content is protected !!