Monday, June 24, 2024
Homeग्रामीण वार्तामरेगाव ग्राम पंचायत सरपंच पदी ज्योत्स्ना पेंदोर तर उपसरपंच निलेश धोटे

मरेगाव ग्राम पंचायत सरपंच पदी ज्योत्स्ना पेंदोर तर उपसरपंच निलेश धोटे

कांग्रेसचे वर्चस्व कायम

- Advertisement -
- Advertisement -

News34 chandrapur

गुरू गुरनुले

मुल – मुल तालुक्यातील भारतीय राष्ट्रीय काँग्रेसच्या ताब्यात असलेल्या मरेगाव ग्राम पंचायत येथील निवडणुकीच्या वेळेस निवड झालेल्या पदाधिकाऱ्यांचा कार्यकाळ अडीच वर्षाचा कालावधी पूर्ण झाल्याने परत दिनांक २७ डिसेंबर २०२३ रोजी परत सरपंच उपसरपंच पदाची निवडणूक घेण्यात आली. यामधे सरपंच पदासाठी ज्योत्स्ना पेंदोर यांनी उमेदवारी अर्ज दाखल केला.सरपंच पदासाठी दुसरा अर्ज न आल्याने ज्योत्स्ना पेंदोर यांची सरपंच म्हणून अविरोध झाल्याचे घोषित केले. तर उपसरपंच पदासाठी निलेश धोटे व माजी सरपंच लक्ष्मी लाडवे आणि मंगला घाटे या तिघांनी उमेदवारी अर्ज दाखल केला.

 

यामधे कांग्रेस पक्षाच्या लक्ष्मी लाडवे यांनी आपसी सामंजस्याने आपला उमेदवारी अर्ज मागे घेतल्याने उपसरपंच पदासाठी निवडणूक घेण्यात आली. निवडणूक अधिकारी यांनी उपस्थित सहा सदस्यांना उपसरपंच पदासाठी हात वर करून मतदान घेतले असता निलेश धोटे यांचे बाजूने पाच तर मंगला घाटे यांचे बाजूने फक्त एक हात वर झाल्याने निलेश धोटे यांना उपसरपंच म्हणून निवडणूक निर्णय अधिकाऱ्यांनी घोषित केले. आणि भाजपच्या मंगला घाटे यांना केवळ एक मत मिळाल्याने त्यांना हार मानवी लागली. निवडणुकीला ज्योत्स्ना पेदोर,निलेश धोटे,मारोती वेलके,लक्ष्मी लाडवे,आकाश वाकुडकर, मंगला घाटे उपस्थित होते.

 

अखेर मरेगाव ग्राम पंच्यायत काँग्रेसच्या ताब्यात व कांग्रेस नेते सी.डी.सी.सी.बँकेचे अध्यक्ष संतोषसिंह रावत यांचे नेतृत्वात विजयी झाले असून सरपंच,उपसरपंच यांचे तालुका कांग्रेस कमिटी कार्यालयात पेढा चारून सरपंच,उपसरपंच व उपस्थित सदस्यांचे अभिनंदन करण्यात आले. याप्रसंगी कांग्रेस नेते संतोषसिंह रावत, माजी तालुका अध्यक्ष तथा बाजार समिती संचालक घनश्याम येनुरकर, तालुका अध्यक्ष गुरु गुरनुले, युवक काँग्रेस अध्यक्ष पवन निलमवार, यांनीही अभिनंदन करून शुभेच्छा दिल्या.

RELATED ARTICLES

Recent News

Most Popular

error: Content is protected !!