चंद्रपूर – Chandrapur police Tadipar Action अंतर्गत चिमूर शहर व परिसरामध्ये बेकायदेशीरपणे दारूची विक्री करणाऱ्या दोन कुख्यात गुन्हेगारांवर मोठी कारवाई करण्यात आली आहे. सार्वजनिक शांतता व सुव्यवस्था बिघडवणाऱ्या या दोन्ही इसमांना संपूर्ण चंद्रपूर जिल्ह्यातून दोन महिन्यांसाठी हद्दपार करण्यात आले आहे. (हे हि वाचा – भाजप नगरसेवक सूरज पांडे तडीपार)
उपविभागीय दंडाधिकाऱ्यांनी जारी केलेल्या या कडक आदेशामुळे परिसरातील समाजकंटकांमध्ये प्रचंड खळबळ उडाली आहे.
चिमूर शहर व परिसरामध्ये बेकायदेशीरपणे दारूची विक्री करून सार्वजनिक शांतता धोक्यात आणणाऱ्या दोन कुख्यात दारू विक्रेत्यांवर पोलिसांनी मोठी कारवाई केली आहे. सतत गुन्हेगारी कारवायांमध्ये गुंतलेल्या या दोन्ही गुन्हेगारांना संपूर्ण चंद्रपूर जिल्ह्यातून तब्बल दोन महिन्यांसाठी हद्दपार (तडीपार) करण्यात आले आहे. उपविभागीय दंडाधिकाऱ्यांनी जारी केलेल्या या आदेशामुळे परिसरातील अवैध धंदे करणाऱ्यांमध्ये प्रचंड खळबळ उडाली असून नागरिकांमधून पोलिसांच्या या कठोर भूमिकेचे जोरदार स्वागत होत आहे.
संजय तुकाराम भोयर (वय ४८ वर्षे) आणि संजय विनायक भैसारे (वय ४५ वर्षे, दोन्ही रा. चिमूर) अशी तडीपार करण्यात आलेल्या आरोपींची नावे आहेत. या दोन्ही इसमांवर चिमूर पोलीस ठाण्यात अवैध दारू विक्रीसोबतच नागरिकांना मारहाण करणे, दहशत माजवणे आणि सार्वजनिक सुव्यवस्था बिघडवण्याचे गंभीर गुन्हे दाखल आहेत. वारंवार कायदेशीर कारवाई करूनही त्यांच्या वर्तणुकीत कोणताही बदल होत नव्हता, उलट त्यांच्या वाढत्या उपद्रवामुळे परिसरातील कायदा व सुव्यवस्थेला मोठा धोका निर्माण झाला होता.
त्यामुळे या गुन्हेगारांच्या मुसक्या आवळण्यासाठी आणि सर्वसामान्यांमध्ये सुरक्षेची भावना निर्माण करण्यासाठी चिमूर पोलीस स्टेशनच्या वतीने दोघांविरुद्ध हद्दपारीचा सविस्तर प्रस्ताव तयार करून उपविभागीय दंडाधिकारी कार्यालयाकडे सादर करण्यात आला होता. चिमूरचे उपविभागीय दंडाधिकारी किशोर घाडगे यांनी या प्रस्तावाची व आरोपींच्या गुन्हेगारी पार्श्वभूमीची सखोल पडताळणी केली. दोन्ही आरोपी हे सराईत गुन्हेगारी प्रवृत्तीचे असून वारंवार अशाच प्रकारचे गुन्हे करण्याची त्यांची सवय असल्याचे निष्पन्न झाल्यानंतर, दंडाधिकाऱ्यांनी त्यांना पुढील दोन महिन्यांसाठी चंद्रपूर जिल्ह्याच्या सीमांमधून हद्दपार करण्याचे अंतिम आदेश जारी केले.
ही धडक कारवाई जिल्हा पोलीस अधीक्षक आयुष नोपानी, अपर पोलीस अधीक्षक ईश्वर कातकडे तसेच उपविभागीय पोलीस अधिकारी दिनकर ठोसरे यांच्या मार्गदर्शनाखाली चिमूर पोलीस स्टेशनचे पोलीस निरीक्षक दिनेश लबडे व स्थानिक गुन्हे शोध (डीबी) पथकाने यशस्वीरीत्या पूर्ण केली आहे. समाजकंटक आणि बेकायदेशीर धंदे चालवणाऱ्यांविरुद्ध यापुढेही अशाच प्रकारची मोहीम तीव्र केली जाईल, असा इशारा पोलीस प्रशासनाकडून देण्यात आला आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
