चंद्रपूर – Mul Arms Seizure प्रकरणामुळे चंद्रपूर जिल्ह्यातील अवैध शस्त्रांवरील पोलिस कारवाई पुन्हा चर्चेत आली आहे. स्थानिक गुन्हे शाखा आणि मूल पोलिसांच्या संयुक्त पथकाने ताडाळा रोड परिसरातील एका युवकाच्या घरावर धाड टाकून दोन गावठी बनावटीच्या भरमार बंदुका जप्त केल्या. आरोपीने या बंदुका शिकार करण्यासाठी आणल्याची कबुली दिली असून भारतीय शस्त्र अधिनियमांतर्गत त्याच्यावर गुन्हा दाखल करण्यात आला आहे. (हॉटेलमध्ये सुरु होता जुगार, गुन्हे शाखेने मारली धाड)
Mul Arms Seizure प्रकरणात नेमके काय घडले?
चंद्रपूर जिल्ह्यातील अवैध धंदे व्यावसायिकांवर कारवाई करण्याची मोहीम सुरु आहे, या मोहिमेत अवैध शस्त्र बाळगणाऱ्यांवर सुद्धा पोलिसांनी बडगा उभारला आहे, ३ जून रोजी वॉर्ड क्रमांक १७ ताडाळा रोड मूल जिल्हा चंद्रपूर मधील २४ वर्षीय युवक संजूसिंग संतोषसिंग पटवा याच्या घरी पोलिसांनी धाड मारीत २ भरमार बंदुका जप्त केल्या. सदर बंदुका युवकाने शिकार करण्यासाठी आणल्याची कबुली दिली. या कारवाईत २ भरमार बंदुका किंमत २० हजार रुपये जप्त केले.
आरोपी संजूसिंग पटवा वर मूल पोलीस ठाण्यात भारतीय शस्त्र अधिनियम १९५९ कलम ३,२५ अनव्ये गुन्हा दाखल करण्यात आला असून पुढील तपास मूल पोलीस करीत आहे.
सदरची संयुक्त कारवाई पोलीस अधीक्षक आयुष नोपानी, अपर पोलीस अधीक्षक ईश्वर कातकडे, उपविभागीय पोलीस अधिकारी सत्यजित आमले यांच्या मार्गदर्शनात गुन्हे शाखा पोलीस निरीक्षक अमोल काचोरे, विजय राठोड पोलीस निरीक्षक मूल यांच्या नेतृत्वात पोउपनि संतोष निंभोरकर, पोउपनि विनोद भुरले, पोउपनि रुपेश कुंभरे, धनराज करकाडे, चेतन गज्जलवार, सुरेंद्र महतो, सुमित बरडे, प्रफुल्ल गारघाटे, मिलिंद टेकाम, नरेश कोडापे. संदीप चुदरी व पूजा मेश्राम यांनी केली.
भरमार बंदूक म्हणजे काय?
आधुनिक बंदुकांप्रमाणे यामध्ये तयार काडतूस (Bullet/Cartridge) मागून लोड केले जात नाही. या बंदुकीच्या नळीच्या पुढच्या भागातून (Muzzle) दारूगोळा भरला जातो, म्हणून याला ‘भरमार’ म्हणतात.
या बंदुकीची गोळीबार करण्याची पद्धत खालीलप्रमाणे असते: १. सर्वप्रथम बंदुकीच्या नळीत पुढून काळी दारू (Gunpowder) टाकली जाते. २. त्यानंतर ती दारू एका लोखंडी सळईने (Ramrod) आतमध्ये घट्ट दाबून किंवा ठासून बसवली जाते (म्हणून याला ठासणीची बंदूक म्हणतात). ३. वरून लोखंडी छर्रे, काचांचे तुकडे किंवा शिशाची गोळी टाकली जाते. ४. बंदुकीच्या मागच्या बाजूला असलेल्या टोपीवर (Percussion cap) जेव्हा ट्रिगर दाबून हातोडा आदळतो, तेव्हा ठिणगी पडून आतल्या दारूचा स्फोट होतो आणि छर्रे वेगाने बाहेर फेकले जातात.
याचा वापर कशासाठी केला जातो?
१. वन्यप्राण्यांपासून पिकांचे संरक्षण: ग्रामीण आणि विशेषतः जंगलव्याप्त भागात शेतकरी आपल्या शेतातील पिकांचे रानडुक्कर, हरिण किंवा इतर वन्यप्राण्यांपासून संरक्षण करण्यासाठी या बंदुकीचा वापर करतात. अनेकदा प्राण्यांना फक्त घाबरवण्यासाठी हवेत गोळीबार करण्यासाठी याचा वापर केला जातो.
२. शिकार करण्यासाठी (अवैध): दुर्गम किंवा वनक्षेत्राच्या भागात अनेकदा रानडुक्कर, चितळ, सांबर किंवा पक्षांची अवैध शिकार करण्यासाठी या बंदुकीचा मोठ्या प्रमाणावर वापर केला जातो. यामध्ये छर्रे वापरले जात असल्याने एकाच वेळी मोठ्या क्षेत्रावर मारा होतो, ज्यामुळे लहान-मोठे प्राणी सहज जखमी होतात किंवा मरतात.
३. स्वसंरक्षण: काही अतिदुर्गम भागात किंवा जंगली श्वापदांची भीती असलेल्या ठिकाणी स्थानिक लोक स्वसंरक्षणासाठी (परवान्यासह किंवा विनापरवाना) ही बंदूक जवळ बाळगतात.